Encarnación Mercedes Tubío Lariño, secretaria xudicial do Xulgado do Social número 4 da Coruña, dou fe e certifico que neste xulgado se seguen autos número 282/2012 por instancia de Miguel Ángel García Trigo contra o Instituto Nacional da Seguridade Social, a Tesouraría Xeral da Seguridade Social, a Mutua Asepeyo, CTM Montajes, S.L., sobre seguridade social, nos cales se ditou sentenza con data 23.7.2014, que copiada nos particulares necesarios di así:
«Decido que se desestímase a demanda interposta por Miguel Ángel García Trigo fronte ao Instituto Nacional da Seguridade Social e a Tesouraría Xeral da Seguridade Social, a Mutua Asepeyo e a empresa CTM Montajes, S.L., e absolvo as citadas entidades ou empresas das pretensións fronte a eles dirixidas.
Notifíqueselles a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución. Abondará a manifestación da parte ou do seu avogado ou representante dentro do indicado prazo.
Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña».
E para que conste, para os efectos da súa publicación no Diario Oficial de Galicia co fin de que sirva de notificación en forma á empresa CTM Montajes, S.L., expido e asino o presente edicto.
A Coruña, 4 de setembro de 2014
A secretaria xudicial