A directora da Axencia de Protección da Legalidade Urbanística ditou, o 18 de agosto de 2014, resolución pola que se resolve arquivar o expediente de reposición da legalidade urbanística LUG/38/2013, en relación coas obras de construción dunha vivenda unifamiliar levadas a cabo no lugar de Bo Vila, no termo municipal de Outeiro de Rei, xa que na data de incoación do citado expediente transcorrera o prazo de caducidade de seis anos establecido no artigo 210 da LOUG.
Ao non poderse realizar a notificación persoal daquela resolución a Abel Paredes Hermida e Regina Sanmartín Pico, mediante esta cédula, e ao abeiro do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), notifícaselles aos interesados a dita resolución.
Tendo en conta que, en atención ao previsto no artigo 61 da LRXPAC, o acto non se publica na súa integridade, comunícaselles aos interesados que o texto íntegro da resolución que se notifica está ao seu dispor nas dependencias da Axencia de Protección da Legalidade Urbanística, sitas no Edificio Witland, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o dito prazo a notificación entenderase producida.
Contra a devandita resolución, que pon fin á vía administrativa, os interesados poden interpoñer recurso de reposición no prazo dun mes, contado a partir do día seguinte a aquel en que se producise a notificación, ante a directora da Axencia de Protección da Legalidade Urbanística, ou ben, se non exercen o seu dereito de presentar recurso potestativo de reposición, poden interpoñer directamente recurso contencioso-administrativo, no prazo de dous meses, ante o xulgado do contencioso-administrativo en cuxa circunscrición se sitúe o inmoble afectado, conforme o disposto no artigo 14.1, regra terceira, da Lei 29/1998, reguladora da xurisdición contencioso-administrativa.
Para que conste e lles sirva de notificación aos citados interesados, en cumprimento do disposto no artigo 59.5 da LRXPAC, expido e asino esta cédula.
Santiago de Compostela, 9 de setembro de 2014
María Martínez Allegue
Directora da Axencia de Protección da Legalidade Urbanística