De conformidade co disposto no artigo 28 do Real decreto 1393/2007, do 29 de outubro, modificado polo Real decreto 861/2010, do 2 de xullo, polo que se establece o procedemento para a modificación de plans de estudos xa verificados e unha vez recibida a comunicación da Axencia para a Calidade do Sistema Universitario de Galicia –ACSUG–, aceptando as modificacións presentadas do plan de estudos correspondente ás ensinanzas do máster universitario en Innovación en Seguridade e Tecnoloxías Alimentarias, título oficial establecido polo Acordo do Consello de Ministros do 12 de marzo de 2010, publicado mediante Resolución do 7 de abril de 2010, da Secretaría Xeral de Universidades no Boletín Oficial del Estado do 29 de abril de 2010,

Esta reitoría resolve ordenar a publicación da modificación do plan de estudos do máster universitario en Innovación en Seguridade e Tecnoloxías Alimentarias da Universidade de Santiago de Compostela, quedando modificado nos termos que se recollen no anexo á presente resolución, que modifica o plan de estudos publicado mediante Resolución do 22 de xuño de 2010, da Universidade de Santiago de Compostela, no Boletín Oficial del Estado do 24 de agosto e no Diario Oficial de Galicia do 31 de agosto de 2010.

A modificación do plan de estudos consiste na incorporación dunha nova materia Prácticas externas de carácter optativo e de 6 créditos ECTS.

Causará efectos a partir do curso académico 2011/12.

Santiago de Compostela, 10 de setembro de 2014

Juan M. Viaño Rey
Reitor da Universidade de Santiago de Compostela

ANEXO
Máster universitario en Innovación en Seguridade e Tecnoloxías Alimentarias

Rama de coñecemento: Ciencias Experimentais.

Universidade participante: Universidade de Santiago de Compostela.

Cadro 1. Resumo de materias e distribución de créditos ECTS segundo tipo de materia.

Cadro 2. Materias, créditos do máster en Innovación en Seguridade e Tecnoloxías Alimentarias.