Ante a imposibilidade da notificación, por medio desta cédula notifícase a Granitos San José, S.L., con CIF B-36835429, a resolución de caducidade do permiso de investigación Carballa, número PO/C/02884, localizado no termo municipal de Gondomar (Pontevedra), como titular del, pola causa prevista no artigo 108.c) do Regulamento xeral para o réxime da minaría, do 25 de agosto de 1978, xa que intentada a notificación polos medios legalmente establecidos, non se puido efectuar.
Contra a presente resolución, que pon fin á vía administrativa, poderase interpor directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da notificación da presente resolución, de acordo co disposto no
artigo 46.1 da Lei 29/1998, do 13 de xullo, reguladora da xurisdición contencioso-administrativa, ou ben, recurso potestativo de reposición ante o conselleiro de Economía e Industria, no prazo dun mes desde o día seguinte ao da súa notificación, de acordo co establecido nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, sen prexuízo de que os interesados poidan interpor calquera outro recurso que consideren procedente.
Pontevedra, 19 de agosto de 2014
Ignacio Rial Santomé
Xefe territorial de Pontevedra