Con data do 6 de agosto de 2014, a Secretaría Xeral Técnica da Consellería de Sanidade ditou resolución no expediente disciplinario instruído a Francisco Javier Lores Iglesias.

De conformidade co disposto nos artigos 59.5º e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, enviouse a notificación da citada resolución ao lugar indicado polo interesado para os efectos de notificacións, sen que esta se puidese facer efectiva.

Polo exposto, a Secretaría Xeral Técnica da Consellería de Sanidade, de conformidade co disposto no citado artigo 59.5º da Lei 30/1992, en virtude deste anuncio, notifica a Resolución do 6 de agosto de 2014.

Francisco Javier Lores Iglesias poderá recoller a notificación da citada resolución mediante comparecencia na Subdirección Xeral de Réxime Xurídico e Administrativo da Secretaría Xeral Técnica da Consellería de Sanidade, sita no Edificio Administrativo San Lázaro, s/n, 15703 Santiago de Compostela, no prazo de dez días contados a partir do seguinte ao da publicación deste anuncio no Diario Oficial de Galicia. Unha vez transcorrido este prazo, entenderase efectuada a notificación para todos os efectos.

Así mesmo, fáiselle saber o dereito que o asiste para interpor recurso potestativo de reposición ante o mesmo órgano resolutorio no prazo dun mes contado desde o seguinte ao da súa comparecencia para recoller a notificación da resolución, ou ao do transcurso do prazo previsto no parágrafo anterior sen que o interesado compareza, segundo o que establece o artigo 116 da Lei 30/1992, do 26 de novembro.

Santiago de Compostela, 18 de agosto de 2014

P.A. (Artigo 6.1.c) do Decreto 41/2013, do 21 de febreiro)
Ramón Martínez Blanco
Vicesecretario xeral da Consellería de Sanidade