O Pleno da Corporación, en sesión realizada con data do 26 de xuño de 2014, adoptou, entre outros, o seguinte acordo:

Aprobar con carácter definitivo o estudo de detalle para a localización dun CEIP nunha parcela dotacional do contorno do rego de Trabe, promovido polo Concello de Culleredo e segundo documento redactado polo arquitecto Ángel Luis Monteoliva Díaz.

A documentación exixida polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, tivo entrada na Consellería de Medio Ambiente, Territorio e Infraestruturas o día 17 de xullo de 2014.

Este acordo pon fin á vía administrativa e poderase interpoñer contra el recurso contencioso-administrativo ante a sala do contencioso-administrativo do Tribunal Superior de Xustiza de Galicia, no prazo de dous meses contados a partir do día seguinte a aquel en que se practique a súa publicación no Diario Oficial de Galicia ou no Boletín Oficial da provincia da Coruña, de conformidade co artigo 46 da Lei 29/1998, do 13 de xullo, da xurisdición contencioso-administrativa, sen prexuízo de calquera outro que se considere pertinente.

O estudo de detalle entrará en vigor aos quince días hábiles da publicación da normativa no Boletín Oficial da provincia da Coruña (artigo 70.2 da Lei 7/1985, do 2 de abril, reguladora das bases do réxime local).

Culleredo, 21 de xullo de 2014

Julio Sacristán de Diego
Alcalde