Intentada a notificación das ditas resolucións segundo o disposto nos artigos 59.5º e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e segundo o disposto no número 5 do referido artigo e o establecido no artigo 61 do mesmo texto legal, notifícaselles aos interesados o contido das resolucións que figuran como anexo para que poidan ter coñecemento delas.
Así mesmo, fáiselles saber o dereito que os asiste para que poidan realizar as alegacións e presentar a documentación que consideren oportuna, no prazo de quince días hábiles, que comezará a contar a partir do día seguinte ao desta publicación.
Á vista das alegacións e da documentación achegada, ou transcorrido o prazo concedido para o efecto, ditarase a resolución que lle corresponda respecto ao reintegro da subvención concedida.
Lémbraselles tamén o seu dereito a consultar o expediente, depositado nas dependencias desta xefatura territorial, sitas na rúa Salvador de Madariaga, nº 9, 1º, na Coruña, e a obter, se é o caso, copia da resolución, segundo o previsto na letra a) do artigo 35 da Lei 30/1992, do 26 de novembro.
A Coruña, 17 de xullo de 2014
Mª Pilar Caridad Alonso
Xefa territorial da Coruña
ANEXO
Nº de expediente: TR348A 2010/118-1.
Nome ou razón social: Instalaciones y Reformas Refingal, S.L.U.
Último enderezo coñecido: rúa La Artística, 19-A, 15008 A Coruña.
Feitos imputados: non manter no seu cadro de persoal fixo as persoas traballadoras contratadas ao abeiro deste programa durante un período mínimo de 3 anos. Non presentar a documentación a que fai referencia a base sétima, punto 4, do anexo A da orde de convocatoria.
Preceptos infrinxidos: base sétima, puntos 1 e 4, do anexo A da orde de convocatoria.
Contido da resolución: iniciar o expediente declarativo da procedencia de reintegro.
Nº de expediente: TR348A 2010/672-1.
Nome ou razón social: Jesús Peón y Gabriel Otero, S.C.
Último enderezo coñecido: rúa Mazarelos, 4, 5, 15703 Santiago de Compostela, A Coruña.
Feitos imputados: non manter no seu cadro de persoal fixo as persoas traballadoras contratadas ao abeiro deste programa durante un período mínimo de 3 anos. Non manter en cómputo anual e durante tres anos o número de traballadores fixos e totais do seu cadro de persoal.
Preceptos infrinxidos: base sétima, puntos 1, 2 e 3, do anexo A da orde de convocatoria.
Contido da resolución: iniciar o expediente declarativo da procedencia de reintegro.