O 9 de xuño de 2014 o presidente de Portos de Galicia adxudicou á empresa Aplicaciones Técnologicas Acyrnor, S.L. o procedemento aberto (sistema multicriterio) para a selección dunha oferta para a tramitación dunha concesión administrativa de ocupación do dominio público portuario do porto de Malpica de Bergantiños para a explotación de zona de varada e foso de travelift para reparación de embarcacións; segundo documentación técnica das actuacións propostas presentada no citado procedemento. Non está prevista a execución de obras a maiores da infraestrutura xa executada por Portos de Galicia, salvo a instalación de elementos desmontables.
En cumprimento do disposto no artigo 85.3 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante, faise público, para que as persoas e entidades interesadas poidan examinar o expediente e presentar por escrito as alegacións que consideren oportunas nos servizos centrais de Portos de Galicia, oficinas sitas na praza Europa 5 A 6º, polígono das Fontiñas, 15707 Santiago de Compostela, no prazo de vinte (20) días hábiles, contados a partir do seguinte ao de publicación do presente anuncio no Diario Oficial de Galicia. A documentación está á disposición na web portosdegalicia.com
Santiago de Compostela, 19 de xuño de 2014
José Juan Durán Hermida
Presidente de Portos de Galicia