1. Obxecto do contrato.

Venda das parcelas de solo empresarial do IGVS 8A-1 e 8A-2 do parque empresarial do Carballiño, fase I, e J-04 do parque empresarial de Bértoa, Carballo.

2. Prezos das parcelas.

Os prezos serán os recollidos no anexo IV. Estes prezos non inclúen o IVE, que será engadido no momento de efectuar a venda (non se adxudicará ningunha parcela por un prezo inferior ao establecido).

3. Garantías.

Provisional: 2 % do importe de saída da parcela a que opte, IVE excluído (no caso de seren máis parcelas, un depósito individual por cada unha das opcións).

4. Requisitos de solvencia dos licitadores.

Solvencia de acordo co establecido na cláusula 3.2 do prego de bases.

5. Obtención de documentación.

O prego de bases que rexerá no concurso poderá recollerse durante o prazo de presentación de proposicións na Dirección Técnica de Solo, na quinta planta da sede central do IGVS (Polígono das Fontiñas, Área Central s/n. Santiago de Compostela).

Tamén se poderán obter os pregos a través da internet no perfil do contratante, no enderezo:

http://www.contratosdegalicia.es/resultado.jsp?N=20867

6. Presentación das ofertas.

a) As proposicións constarán de tres sobres pechados e asinados polo concursante ou persoa que o represente, coa documentación que se especifica no prego de bases.

b) Prazo: un (1) mes contado desde o día seguinte ao da publicación desta resolución no Diario Oficial de Galicia. Cando a proposición se envíe por correo, o licitador deberá xustificar a data de imposición do envío na oficina de Correos e anunciarlle ao órgano de contratación a remisión da dita oferta mediante burofax, telegrama ou fax (981 54 16 00) no mesmo día nun só envío.

c) Lugar de presentación: no Rexistro da sede dos servizos centrais do IGVS (Polígono das Fontiñas, Área Central s/n, 15781 Santiago de Compostela).

Naqueles supostos en que o último día hábil para a presentación de solicitudes coincida en sábado poderanse presentar as ofertas no Rexistro Xeral da Xunta de Galicia, no Edificio Administrativo de San Caetano. Deberase comunicar ao órgano de contratación a presentación da oferta no Rexistro Xeral mediante burofax, telegrama ou fax, no mesmo día ou no día hábil seguinte.

7. Apertura de proposicións.

O acto público de apertura do sobre B (documentación relativa a criterios non avaliables de forma automática) terá lugar no salón de actos da sede dos servizos centrais do Instituto Galego da Vivenda e Solo, nun prazo non superior a 7 días contados desde a apertura da documentación administrativa que será anunciada no perfil do contratante.

O acto público de apertura do sobre C (documentación relativa a criterios avaliables de forma automática) terá lugar no salón de actos da sede dos servizos centrais do Instituto Galego da Vivenda e Solo, na data e na hora que será anunciada, con tres días hábiles de antelación á súa realización, no perfil do contratante.

Santiago de Compostela, 11 de xullo de 2014

P.S. (Resolución 23.6.2014)
Heriberto García Porto
Secretario xeral do Instituto Galego da Vivenda e Solo