Con data do 4 de xuño de 2014, a xefa territorial da Consellería de Sanidade ditou acordo de inicio do expediente sancionador 2014174AL-CO incoado a Cunchas da Ría, S.L.
Intentada a notificación deste acordo segundo o disposto no artigo 59.2º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e ao abeiro do disposto no número 5 do devandito artigo, notifícase a Cunchas da Ría, S.L. o contido de dito acordo de inicio que figura como anexo para que poida ter coñecemento del.
Así mesmo, fáiselle saber o dereito que a asiste, ao abeiro do disposto no número 1 do artigo 16 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións, ante a xefatura territorial, no prazo de quince (15) días hábiles, contados desde o seguinte ao da publicación desta cédula, lembrándolle o seu dereito a consultar o expediente depositado nas dependencias da xefatura, sita na rúa Durán Loriga, 3, A Coruña, e a obter, se é o caso, copia do expediente, segundo o previsto na letra a) do artigo 35 da Lei 30/1992, do 26 de novembro.
Advírteselle que no caso de non efectuar alegacións sobre o contido do dito acordo no citado prazo, o acordo de inicio considerarase proposta de resolución cando conteña un pronunciamento preciso acerca da responsabilidade imputada, cos efectos previstos nos artigos 18 e 19 do Real decreto 1398/1993.
Esta cédula expídese para que conste e lle sirva de notificación á interesada, en cumprimento do disposto no artigo 59.5º da Lei 30/1992, do 26 de novembro.
A Coruña, 27 de xuño de 2014
Cristina Pérez Fernández
Xefa territorial da Coruña
ANEXO
Nº expediente: 2014174AL-CO.
Interesada: Cunchas da Ría, S.L.
DNI/NIF/CIF: B70301684.
Derradeiro enderezo coñecido: Porto de Rianxo, nave 37,15920 Rianxo.
Feitos imputados: infracción da lexislación aplicable en materia sanitaria.
Artigos infrinxidos:
– Real decreto 1945/1983, do 22 de xuño (BOE núm. 168, do 15 xullo). Alimentos. Regula as infraccións e sancións en materia de defensa do consumidor e da produción agroalimentaria. Artigo 5.1.
– Lei 17/2011, do 5 de xullo, de seguridade alimentaria e nutrición (BOE núm. 160, do 6 de xullo). Artigo 50.1º.a), c), e); artigo 51.1º e artigo 52.1º.a).
Tipificación provisional: leve.
Sanción proposta: 1.200 €.