A Xunta de Goberno Local deste concello, en sesión do 27 de xuño do ano en curso, aprobou inicialmente o estudo de detalle para a ordenación de volumes nas parcelas industriais números 25, 26 e 27 do parque empresarial da Pastoriza, redactado polo enxeñeiro técnico industrial José Manuel Engroba Cabo.

De conformidade co disposto no artigo 86.2 da Lei 9/2002, do 30 de decembro, de ordenación urbanística e protección do medio rural de Galicia, o expediente sométese a información pública polo prazo de vinte días, mediante publicación no Diario Oficial de Galicia e nun dos xornais de maior difusión na provincia. Durante o dito prazo, que comezará a contar desde o día seguinte ao da publicación deste anuncio no Diario Oficial de Galicia, os interesados poderán consultar a documentación do expediente nestas oficinas municipais e presentar as alegacións que xulguen pertinentes.

A Pastoriza, 7 de xullo de 2014

Primitivo Iglesias Sierra
Alcalde