Para os efectos previstos na Lei 24/2013, do 26 de decembro (BOE nº 310), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e a autorización administrativa de construción, en concreto, da instalación eléctrica que se describe:
Número expediente: IN407A 2014/075-1.
Solicitante: Unión Distribuidores Electricidad, S.A. (UDESA).
Domicilio social: rúa José Ángel Valente, 17 baixo, local 62, 15706 Santiago de Compostela.
Denominación: ampliación punto fronteira Visantoña.
Situación: concello de Mesía.
Características técnicas:
1. Instalación e montaxe dun autotransformador 15/20 kV de 7.000 kVA en edificio prefabricado de formigón de tipo monobloque, incluíndo protección con sobretensións en bornes.
2. Instalación de 5 celas de media tensión no actual edificio punto frontera Visantoña: tres celas de entrada/saída de liñas, unha cela de medida e outra de medida, todas elas con illamento e corte en SF6.
3. Tramo de liña de media tensión soterrada en condutor RHZ1-2OL-12/20 kV 3×(1×240 Al), que terá o seu inicio na cela nº 20 do autotransformador 20 kV, e final nas bornas de 20 kV do autotransformador, sendo a lonxitude total da liña proxectada de 32 metros.
4. Tramo de liña de media tensión soterrada en condutor RHZ1-2OL-12/20 kV 3×(1×240 Al), que terá o seu inicio nas bornas de 15 kV do autotransformador, e final na cela nº 22 do autotransformador 20 kV, sendo a lonxitude total da liña proxectada de 32 metros.
5. Tramo de liña de media tensión soterrada en condutor RHZ1-2OL-12/20 kV 3×(1×240 Al), que terá o seu inicio na cela nº 14 de protección de autotransformador e final na cela nº 24 de remonte, sendo a lonxitude total da liña proxectada de 11 metros.
6. Tramo de liña de media tensión soterrada en condutor RHZ1-2OL-12/20 kV 3×(1×240 Al), que terá o seu inicio na cela nº 14 de protección de autotransformador e final na cela nº 21 de bypass de 15 kV, sendo a lonxitude total da liña proxectada de 11 metros.
7. Proxéctase conectar a actual LMAT UDESA 15 kV Frades que sae da cela nº 14 na cela nº 19.
Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, sita na rúa rúa Vicente Ferrer, 2-2ª planta, 15071 A Coruña no prazo de vinte días, a partir do día seguinte ao da última publicación da presente resolución.
A Coruña, 2 de xullo de 2014
Isidoro Martínez Arca
Xefe territorial da Coruña