No Diario Oficial de Galicia do 25 de xuño de 2014 publícase a Resolución do director da Axencia Galega de Innovación pola que se convocan, para a súa provisión polo sistema de libre designación, tres postos de traballo vacantes na dita axencia.
Tendo en conta que as prazas convocadas corresponden a persoal funcionario da Axencia Galega de Innovación, de acordo coa estrutura desta aprobada pola Resolución do director xeral da Función Pública do 6 de xuño de 2014, cómpre modificar a dita convocatoria.
Polo que antecede,
DISPOÑO:
Primeiro. Validar a Resolución do 11 de xuño de 2014 pola que se convocan, para a súa provisión polo sistema de libre designación, tres postos de traballo vacantes na Axencia Galega de Innovación.
Segundo. Ampliar o prazo de presentación de solicitudes en 15 días contados a partir do seguinte ao da publicación desta orde no Diario Oficial de Galicia.
Terceiro. Admitir as solicitudes presentadas á convocatoria ata a data de publicación desta orde.
Santiago de Compostela, 7 de xullo de 2014
Francisco José Conde López
Conselleiro de Economía e Industria