De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase o emprazamento a M. Rosalía Puente Tosar para o trámite de audiencia ditado no expediente de reposición da legalidade urbanística LUG/29/2013, en relación coas obras consistentes na construción dunha edificación con tipoloxía de vivenda unifamiliar, que se levan a cabo no lugar Chousa da Casa, Castro de Ribeiras de Lea, no termo municipal de Castro de Rei, provincia de Lugo.

O expediente relacionado atópase á disposición da interesada na Axencia de Protección da Legalidade Urbanística, sita no Edificio Witland, Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.

A interesada disporá dun prazo de 15 días hábiles, contados a partir do día seguinte a aquel en que se producise a notificación desta cédula, para alegar e presentar os documentos e informacións que considere pertinentes.

Para que conste e lle sirva de notificación a citada interesada, en cumprimento do disposto no artigo 59.5 da LRXPAC, expido e asino esta cédula.

Santiago de Compostela, 27 de xuño de 2014

María Martínez Allegue
Directora da Axencia de Protección da Legalidade Urbanística