De conformidade co disposto nos artigos 59.5 e 61 da Lei 30/1992, de réxime xurídico das administracións públicas e do procedemento administrativo común, logo de seren intentadas sen éxito as notificacións persoais a través do servizo de Correos, notifícase a Construcciones Souto Rodríguez, S.L. a resolución do expediente IN608B 2013/66-2, polo que esta xefatura territorial autoriza a instalación e posta en servizo do guindastre torre número 27/732, marca Sáez, modelo H-19-28, con número de fabricación LU-02187, situado na rúa Fornos de Atrás, s/n, de Sarria, Lugo.
Contra esta resolución, que non remata a vía administrativa, poderá incoarse recurso de alzada ante o conselleiro de Economía e Industria, no prazo dun mes contado a partir do día seguinte ao da publicación deste anuncio, de acordo co disposto nos artigos 114 e 115 da Lei 30/1992, do 26 de novembro, modificada pola Lei 4/1999, do 13 de xaneiro.
Lugo, 30 de xuño de 2014
José Manuel Vázquez Leirado
Xefe territorial de Lugo