De conformidade co disposto nos artigos 3.1º a) da Lei 8/1983, do 8 de xullo, do Consello da Cultura Galega, e 13 do seu regulamento, aprobado polo Decreto 162/2008, do 10 de xullo, por proposta do conselleiro de Cultura, Educación e Ordenación Universitaria, tras a elección efectuada polo Consello da Cultura Galega no pleno extraordinario do día 22 de maio de 2014, despois da súa comparecencia ante o Parlamento de Galicia, e logo da reunión do Consello da Xunta de Galicia do vinte e seis de xuño de dous mil catorce,

DISPOÑO:

Nomear a Ramón Villares Paz presidente do Consello da Cultura Galega.

Santiago de Compostela, vinte e seis de xuño de dous mil catorce

Alberto Núñez Feijóo
Presidente

Jesús Vázquez Abad
Conselleiro de Cultura, Educación e Ordenación Universitaria