En virtude da Orde do 27 de maio de 2014 (DOG núm. 107, do 6 de xuño) convocáronse para elección de destino os traballadores que superaron o proceso selectivo convocado pola Orde do 26 de decembro de 2002 para o ingreso na categoría 033 (condutor de motobomba de defensa contra incendios forestais) do grupo IV de persoal laboral fixo da Xunta de Galicia, no ámbito provincial de Lugo, en cumprimento da sentenza do 7 de xuño de 2013 ditada polo Xulgado do Contencioso-Administrativo número 1 de Lugo no procedemento abreviado núm. 256/2011.
O acto de elección que tivo lugar o día 10 de xuño de 2014 substitúe o realizado o día 1 de marzo de 2011, que foi anulado pola sentenza que se executa.
No acto de elección de destino definitivo anulado, cinco dos traballadores convocados solicitaron ser declarados en situación de excedencia voluntaria por incompatibilidade.
No novo acto de elección de destino, catro deses cinco traballadores solicitaron ser declarados en situación de excedencia mentres que o quinto elixiu posto.
Como consecuencia do novo acto xeráronse catro vacantes para a súa oferta no procedemento de resultas en lugar das cinco xeradas no acto anulado.
De conformidade coa disposición adicional décima.2 e décimo primeira.1 da Orde do 26 de decembro de 2002 (procedemento de resultas), esta consellería
DISPÓN:
Primeiro. Deixar sen efecto a elevación a definitiva da proposta do tribunal respecto do aspirante que figura na Orde do 16 de marzo de 2011 coa orde de prelación número cinco e que superara na fase de resultas o proceso selectivo para o ingreso na categoría 033 do grupo IV, no ámbito provincial de Lugo (anexo I).
Segundo. Conservar a elevación a definitiva da proposta do tribunal respecto dos catro aspirantes restantes que figuran na Orde do 16 de marzo de 2011 e que superaran na fase de resultas o proceso selectivo para o ingreso na categoría 033 do grupo IV (anexo II).
Contra esta orde, que pon fin á vía administrativa, os aspirantes poderán interpoñer con carácter potestativo, recurso de reposición perante a conselleira de Facenda no prazo dun mes contado desde o día seguinte ao da súa publicación, ou directamente recurso contencioso-administrativo no prazo de dous meses contados desde a mesma data ante o Xulgado do Contencioso-Administrativo de Santiago de Compostela, de acordo cos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 17 de xuño de 2014
Elena Muñoz Fonteriz
Conselleira de Facenda