Manuel Bustelo Vidal, en calidade de representante da mercantil Serviaxes Bustelo, S.L., solicitou nesta alcaldía licenza municipal para a construción e apertura dunha nave de empresa de transporte de viaxeiros por estrada para oficinas, garaxe e aparcamento de autobuses e o seu mantemento, que se situará na parcela 67 do parque empresarial de Padrón, no lugar de Pazos. En cumprimento do disposto polo artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese o expediente a información pública por un período de vinte días hábiles, co fin de que durante este, que comezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia, poidan examinar o expediente, na Secretaría deste concello, de luns a venres, das 9.00 ás 14.00 horas, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que xulguen oportunas.
Padrón, 26 de maio de 2014
Antonio Fernández Angueira
Alcalde