O Pleno da Corporación, en sesión realizada en data 27 de marzo de 2014, adoptou, entre outros, o seguinte acordo:
Aprobar con carácter definitivo o estudo de detalle da unidade de actuación número 16, promovido por Monelos Aparcamientos, S.L., e segundo documento redactado polo arquitecto José Mantiñán Soler.
A documentación exixida polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, tivo entrada na Consellería de Medio Ambiente, Territorio e Infraestruturas o día 15 de maio de 2014.
Este acordo pon fin á vía administrativa e poderase interpor contra el recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte a aquel en que se practique a súa publicación no Diario Oficial de Galicia ou no Boletín Oficial da provincia da Coruña, de conformidade co artigo 46 da Lei 29/1998, do 13 de xullo, da xurisdición contencioso-administrativa, sen prexuízo de calquera outra que se considere pertinente.
O estudo de detalle entrará en vigor aos quince días hábiles da publicación da normativa no Boletín Oficial da provincia da Coruña (artigo 70.2 da Lei 7/1985, do 2 de abril, reguladora das bases do réxime local).
Culleredo, 30 de maio de 2014
Julio Sacristán de Diego
Alcalde