Por aplicación analóxica do disposto no artigo 147.3 da Lei 9/2002, do 30 de decembro, de ordenación urbanística e protección do medio rural de Galicia, sométese a información pública polo prazo de vinte (20) días, contados desde a publicación no Diario Oficial de Galicia, o acordo de aceptación da proposta de prezo xusto presentada polos propietarios da parcela situada na avenida da Mariña, nº 24, con referencia catastral
2162001PJ3326S0001KM, para a adquisición de terreo cualificado polo Plan xeral de ordenación municipal como dotacional polo método de expropiación forzosa, previsto no artigo 167.1 da Lei 9/2002, do 30 de decembro, de ordenación urbanística e protección do medio rural de Galicia, adoptado na sesión extraordinaria e urxente de Pleno que tivo lugar o pasado 12 de xuño de 2014.
Durante o dito prazo, poderá ser examinado por calquera interesado na Secretaría do concello para que se formulen as alegacións que se xulguen pertinentes.
Burela, 13 de xuño de 2014
(Decreto 292/2014)
Manuel Fernández Valle
Alcalde por suplencia