O Concello Pleno, en sesión que tivo lugar o 31 de marzo de 2014, adoptou, entre outros, o seguinte acordo:
Primeiro. Aprobar definitivamente o estudo de detalle para ordenación de volumes nunha leira sita na avenida das Carolinas, promovido por José Rey Abelenda en representación de Metalgráfica Gallega, S.A., e segundo a documentación redactada polo arquitecto Gerardo Seoane Fidalgo e desestimar as alegacións presentadas con base nos informes e documentación que consta no expediente.
Segundo. Remitir o expediente dilixenciado ao órgano autonómico competente para o seu coñecemento.
Terceiro. Publicar no prazo dun mes no DOG o acordo de aprobación definitiva, facendo constar no anuncio de aprobación definitiva a remisión da documentación
De conformidade co establecido no artigo 92 da Lei 9/2002, do 30 de decembro, de ordenación urbanística e protección do medio rural de Galicia (modificada pola Lei 15/2004; Lei 6/2008; Lei 18/2008; Lei 2/2010; Lei 15/2010 e Lei 9/2013) procédese á súa publicación no Diario Oficial de Galicia e no Boletín Oficial da provincia de Pontevedra e o 6 de maio de 2014 remítese á Consellería de Medio Ambiente, Territorio e Infraestructuras unha copia dilixenciada de dous exemplares do estudo aprobado definitivamente con todos os planos e documentos que a integran.
Contra este acordo, que pon fin á vía administrativa, poderase interpor recurso contencioso-administrativo no prazo de dous meses contados desde o día seguinte ao da publicación deste anuncio perante o Tribunal Superior de Xustiza de Galicia, sen prexuízo de calquera outro recurso ou acción que coiden oportuno.
Vilagarcía de Arousa, 20 de maio de 2014
Tomás Javier Fole Díaz
Alcalde