Teresa Vázquez Abades, secretaria xudicial do Xulgado do Social número 1 de Santiago de Compostela, fago saber que no procedemento de despedimento obxectivo individual 527/2013 deste xulgado do social, seguido por instancia de Manuel Ramón Calvo Fernández contra a empresa Excavaciones Migasa, S.L., sobre despedimento, ditouse a seguinte resolución, cuxo ditame di literalmente:

«Que, estimando integramente a demanda interposta por Manuel Ramón Calvo Fernández, contra Excavaciones Migasa, S.L., declaro a nulidade do despedimento do demandante efectuado pola demandada con efectos do 27 de marzo de 2013 e, por non resultar realizable a readmisión do traballador, declaro extinguida na data da presente resolución a relación laboral que vinculaba a Manuel Ramón Calvo Fernández con Excavaciones Migasa, S.L., e debo condenar e condeno a mercantil demandada a que o aboe ao demandante a suma de 16.779,10 euros, en concepto de indemnización pola extinción da relación contractual.

No que atinxe á responsabilidade do Fogasa deberá observarse o disposto no artigo 33 do ET.

Notifíquese ás partes e ao Fogasa a presente resolución facéndolles saber que fronte a ela poderán interpoñer recurso de suplicación para ante a Sala do Social do Tribunal Superior de Xustiza de Galicia, no prazo de cinco días contados desde o seguinte ao da súa notificación».

E para que sirva de notificación en legal forma a Excavaciones Migasa, S.L., en ignorado paradoiro, expido a presente para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

Santiago de Compostela, 8 de maio de 2014

A secretaria xudicial