En cumprimento do disposto no artigo 4 da Lei orgánica 11/1985, do 2 de agosto, de liberdade sindical, e para os efectos previstos nel, faise público que no correspondente servizo desta dirección xeral se presentou certificación expedida pola secretaria de actas do V Congreso da Central Unitaria de Traballadores/as (CUT), Xiana López Penedo, avalada co visto e prace do secretario xeral, Manuel Anxo Caamaño Fandiño, onde se reflicte a modificación de diversos artigos dos estatutos da dita organización, entre eles o que afecta ao domicilio social, que pasa a ser en rúa Urzáiz, 71, entresollado, Vigo.
Santiago de Compostela, 5 de maio de 2014
Odilo Martiñá Rodríguez
Director xeral de Traballo e Economía Social