Por Resolución da Alcaldía 635/2014, do 8 de abril, aprobouse inicialmente o expediente 17/2013.PERI do Plan especial de reforma interior da UA 8, sita en Arteixo, redactado por Monteoliva Arquitectura, S.L.P. e tramitado de oficio.

En virtude do disposto polo artigo 86 da Lei 9/2002, do 30 de decembro, de ordenación urbanística e protección do medio rural de Galicia, o expediente de referencia queda sometido a información pública polo prazo dun mes, contado a partir do día seguinte a aquel en que se produza a última das publicacións que se inserirán no Diario Oficial de Galicia e en dous dos xornais de maior difusión da provincia.

Durante o dito prazo, as persoas interesadas poderán examinar o seu contido (no Departamento de Urbanismo do Concello de Arteixo, de luns a venres, das 9.00 ás 14.00 horas, e nas dependencias do Rexistro Xeral os sábados, das 9.30 ás 13.30 horas), e presentar alegacións se o consideran oportuno.

Así mesmo, resolveuse suspender o outorgamento de licenzas no ámbito que se concreta nos terreos lindeiros coas vías urbanas Camiño dos Cabalos, entre Río Miño e Río Tambre; Río Tambre e Baños ata Ría de Vigo e senda peonil desde Camiño dos Cabalos pola fronte das rúas Domingo de Andrade e Pedro Monteagudo, excluídos os predios con referencia catastral 9947807NH3994N, 9947808NH3994N, 9947809NH3994N, 9947810NH3994N e incluídos os de referencia 9846310NH3994N e 9846311NH3994N.

Arteixo, 9 de abril de 2014

P.D. (Decreto 989/2011, do 21 de xuño)
Luis Alberto Castro Calvete
Concelleiro de Urbanismo