De conformidade co establecido na disposición adicional segunda da Lei 9/2002, do 30 de decembro, de ordenación urbanística e protección do medio rural de Galicia, modificada pola Lei 2/2010, do 25 de marzo, sométense a información pública durante o prazo dun mes os núcleos rurais de Treilán (parroquia de Lamela), de Xoaine (parroquia de Entrambasaugas) e de Nogueiras (parroquia de Santa María de Ferroi), co fin de que durante este, que comezará a contarse desde o día seguinte ao da inserción do presente edicto nos xornais El Progreso, La Voz de Galicia e no Diario Oficial de Galicia, poidan examinar o expediente, na Secretaría deste concello, as persoas que dalgún xeito se consideren afectadas e formular por escrito as alegacións ou reclamacións que se xulguen oportunas.

Guntín, 30 de abril de 2014

Jesús Carreira Ferreiro
Alcalde