Denominación: encomenda de xestión de Augas de Galicia á Secretaría Xeral de Calidade e Avaliación Ambiental para a explotación e o mantemento dunha rede de calidade das augas e verteduras ao dominio público hidráulico (rede Cave).

Actividade: tarefas de mantemento precisas para o correcto funcionamento da rede automática de control da calidade das augas superficiais continentais e de control de verteduras ao dominio público hidráulico que reporta información das condicións do medio receptor en tempo real. O ámbito territorial de aplicación dos traballos que se van desenvolver é o integrado pola demarcación hidrográfica Galicia-Costa.

Natureza e alcance da xestión encomendada: esta encomenda ten natureza intrasubxectiva ao ser Augas de Galicia e a Secretaría Xeral de Calidade e Avaliación Ambiental dous órganos dependentes da mesma Administración.

Prazo de vixencia: o período de execución é de seis meses contados a partir do 7 de abril de 2014.

Santiago de Compostela, 16 de abril de 2014

Francisco Menéndez Iglesias
Director xeral de Augas de Galicia