Benito Fernández Vázquez y Otros, S.C. solicitou a licenza o 23 de maio de 2013, de explotación avícola de galiñas poñedoras reprodutoras, sometida a avaliación de incidencia ambiental, no lugar de Espiñeiros (San Miguel do Campo) polígono 58, parcelas 82, 83, 84, 94, 104 e 85) solo rústico de protección ordinaria, polo que se tramita neste concello o expediente oportuno.

Procédese a abrir o período de información pública durante un prazo de vinte días mediante anuncio no Diario Oficial de Galicia e no Boletín Oficial da provincia, e taboleiro de anuncios do concello (o prazo conta desde a última publicación que se efectúe) para que as persoas que estean afectadas dalgún modo pola dita actividade presenten as observacións que consideren pertinentes.

O expediente obxecto desta información pódese consultar nas oficinas municipais de luns a venres, das 9.00 ás 14.00 horas, e os sábados das 9.00 ás 12.00 horas.

Nogueira de Ramuín, 8 de abril de 2014

José César Parente Pérez
Alcalde