De conformidade co establecido no Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG nº 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e en virtude das competencias atribuídas polo Decreto 43/2013, do 21 de febreiro (DOG nº 47, do 7 de marzo), polo que se establece a estrutura orgánica dos servizos centrais do Servizo Galego de Saúde, modificado polo Decreto 111/2013, do 4 de xullo (DOG nº 140, do 24 de xullo), e na Orde do 28 de setembro de 2011 (DOG nº 188, do 30 de setembro), pola que se desenvolve a estrutura organizativa de Xestión Integrada de Ourense, Verín e O Barco de Valdeorras, así como na Orde do 5 de xullo de 2012 (DOG nº 139, do 20 de xullo), sobre delegación de competencias en órganos centrais e periféricos do Servizo Galego de Saúde,

DISPÓN:

Anunciar a convocatoria para cubrir, polo procedemento de avaliación colexiada, os postos de persoal licenciado sanitario que se relacionan no anexo desta resolución.

As bases íntegras da citada convocatoria estarán expostas nos taboleiros de anuncios do complexo hospitalario e na páxina web do Sergas (www.sergas.es).

As solicitudes e a documentación anexa que conteña a xustificación dos requisitos e méritos alegados deberán presentarse no Rexistro Xeral da Xerencia de Xestión Integrada, sito no Edificio Administrativo, planta baixa, dirixidas á xerente de Xestión Integrada, no prazo de quince (15) días hábiles contados desde o seguinte ao da publicación do anuncio desta convocatoria no Diario Oficial de Galicia.

Así mesmo, poderán presentarse a través de calquera dos rexistros previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.

Ourense, 9 de abril de 2014

Eloína Núñez Masid
Xerente de Xestión Integrada de Ourense, Verín e O Barco de Valdeorras

ANEXO

Denominación do posto: xefe/a do Servizo de Cirurxía Xeral e do Aparello Dixestivo.

Número de vacantes: 1.

Denominación do posto: xefe/a do Servizo de Uroloxía.

Número de vacantes: 1.

Denominación do posto: xefe/a do Servizo de Pediatría.

Número de vacantes: 1.

Denominación do posto: xefe/a da Sección de Xinecoloxía.

Número de vacantes: 1.

Denominación do posto: xefe/a da Sección de Obstetricia.

Número de vacantes: 1.

Denominación do posto: xefe/a da Sección de Cirurxía Xeral e do Aparello Dixestivo.

Número de vacantes: 1.