María Jesús Hernando Arenas, secretaria do Xulgado do Social número 5 da Coruña, fai saber que ante este xulgado se tramitan autos co número PO 372/2013 por instancia de Djao Omar Valente da Fonseca contra Restaurante Piedra y Agua, S.C., José Antonio Fernández Sánchez, Mutua Intercomarcal e Fogasa sobre cantidade, nos cales no día da data foi ditada a sentenza cuxa parte dispositiva di textualmente:
«Decido:
Ter por desistido Djao Omar Valente da Fonseca da demanda promovida contra a Mutua Intercomarcal.
Que debo estimar e estimo a demanda que en materia de cantidade foi interposta por Djao Omar Valente da Fonseca, contra Restaurante Piedra y Agua, S.C. e, en consecuencia, debo condenar e condeno o Restaurante Piedra y Agua, S.C. a aboar ao demandante a cantidade de 3.130,82 € brutos, polos salarios percibidos entre decembro de 2012 e febreiro de 2013, e á compensación económica polas vacacións non desfrutadas do ano 2012 e 2013, incrementadas no xuro do 10 % por mora e aplicable aos conceptos salariais.
Coa intervención procesual do Fondo de Garantía Salarial.
Notifíquese a presente resolución ás partes e fágaselles saber o seu dereito a interporen contra ela recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.
Advírtase ao recorrente que non sexa traballador ou beneficiario do réxime público de Seguridade Social, ou habente causa dun deles, ou que non teña recoñecido o beneficio de xustiza gratuíta, que deberá depositar a cantidade de 300 euros do depósito especial indicado no artigo 229.1.a) da Lei reguladora da xurisdición social, na conta aberta na entidade Banesto, a nome deste xulgado co nº 47570000 código 36 e nº de expediente, o que demostrará mediante a presentación do comprobante de ingreso no período comprendido ata a formalización do recurso. No caso de ter sido condenado en sentenza ao pagamento dalgunha cantidade, deberá tamén consignar na conta de depósitos e consignacións a nome deste xulgado a cantidade obxecto de condena ou ben formalizar aval bancario pola devandita cantidade en que se faga constar a responsabilidade solidaria do avalista, que se incorporarán a este xulgado co anuncio de recurso.
En todo caso, o recorrente deberá designar un letrado para a tramitación do recurso, no momento de anuncialo.
Dedúzase testemuño literal desta sentenza, que quedará nestas actuacións, con inclusión da orixinal no libro de sentenzas.
Así o pronuncio, mando e asino por esta miña sentenza».
Para que conste e se insira no Diario Oficial de Galicia co fin de que sirva de notificación á empresa demandada Restaurante Piedra y Agua, S.C., co apercibimento de que as sucesivas notificacións se realizarán nas dependencias do xulgado salvo as que revistan forma de emprazamentos, sentenzas e autos, e expido e asino este edicto.
A Coruña, 8 de abril de 2014
María Jesús Hernando Arenas
Secretaria xudicial