Visto o expediente para outorgamento de autorización administrativa e aprobación do proxecto de execución da instalación eléctrica que a continuación se describe:
Solicitante: Aguas de las Cuencas de España, S.A.
Domicilio social: Agustín de Betancour, 25, 4ª planta, 28003 Madrid.
Denominación: LMT e CT depósito Caracochas.
Situación: Ourense.
Características técnicas:
– PAS: van destensado desde o apoio nº 28-24 da LMT aérea existente dobre circuíto VLL805 e VLL804, propiedade de Unión Fenosa Distribución, S.A., con autoseccionadores e autoválvulas no apoio de formigón proxectado.
– LMT subterránea de 520 m de lonxitude a 20 kV, con condutor RHZ1 2OL12/20 kV 3×(1×95 mm2), que discorre entre o PAS anterior e o CT proxectado aéreo sobre poste de formigón de 25 kVA e R/T 20.000/420-230 V.
Orzamento: 48.501,43 euros.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial, resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente. Esta autorización outórgase sen prexuízo das concesións e/ou autorizacións que sexan precisas, de acordo con outras disposicións que resulten aplicables e en especial as relativas á ordenación do territorio e o ambiente.
Contra a presente resolución poderá interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación ou publicación desta resolución; tamén poderá interpor calquera outro recurso que considere pertinente ao seu dereito.
Ourense, 26 de novembro de 2013
P.S.L. (Decreto 110/2013, do 4 de xullo)
Alfonso Tomás Paz Doniz
Xefe do Servizo de Administración Industrial