As cámaras oficiais de comercio, industria e navegación da Coruña, Lugo, Ourense, Pontevedra, Santiago de Compostela, Tui, Vilagarcía de Arousa e Vigo abriron, mediante a correspondente convocatoria pública de axudas, o prazo para a presentación de solicitudes de participación no Programa InnoCámaras, financiado polo Fondo Europeo de Desenvolvemento Rexional (Feder) (80 %) e polas cámaras de comercio (20 %), e coa colaboración da Xunta de Galicia.
Este programa permite á empresa o desenvolvemento subvencionado de plans de apoio á innovación, para a incorporación de solucións innovadoras nas súas estratexias de actuación.
A empresa contará cun asesor experto en innovación que o guiará no proceso, e con outras accións complementarias de reforzo sobre as posibilidades da innovación e o coñecemento entre as pemes.
As convocatorias de axudas, publicadas por cada cámara de comercio para as súas respectivas demarcacións, así como o modelo de solicitude de participación, poderán descargarse das seguintes páxinas web:
A Coruña: www.camaracoruna.com
Lugo: www.camaralugo.com
Ourense: www.camaraourense.com
Pontevedra: www.camarapontevedra.com
Santiago de Compostela: www.camaracompostela.com
Tui: www.camaratui.com
Vilagarcía de Arousa: www.camaravilagarcia.com
Vigo: www.camaravigo.com
Vigo, 27 de marzo de 2014
Manuel Fernández Pool
Secretario xeral accidental da Cámara de Comercio de Vigo