A Asociación de Propietarios de Embarcacións da 7ª Lista Robaleira de Bueu solicitoulle a este ente público unha concesión administrativa no dominio público portuario do porto de Bueu, con destino á construción e explotación de pantalán para atracada de embarcacións deportivas no porto de Bueu; segundo a documentación técnica relativa ás referencias técnicas da explotación e o proxecto básico de instalacións de amarre para embarcacións da 7ª lista en Bueu, redactado en xullo de 2012 polo enxeñeiro de camiños, canais e portos Manuel González Moles.

En cumprimento do disposto no artigo 85.3 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da Mariña Mercante, faise público, para que as persoas e entidades interesadas poidan examinar o expediente e presentar por escrito as alegacións que consideren oportunas nos servizos centrais de Portos de Galicia, oficinas sitas na praza Europa 5 A-6º, polígono das Fontiñas, 15707 Santiago de Compostela, no prazo de vinte (20) días hábiles, contados a partir do seguinte ao de publicación do presente anuncio no Diario Oficial de Galicia. A documentación está á disposición na web portosdegalicia.com

Santiago de Compostela, 11 de marzo de 2014

José Juan Durán Hermida
Presidente de Portos de Galicia