Por medio do presente poño en público coñecemento que o Pleno do Concello, na sesión extraordinaria que tivo lugar o día 21 de febreiro de 2014, aprobou definitivamente o Plan especial de infraestruturas PE/D3 do enlace SX/VIG2 do PXOM do Concello de Abegondo, que xa foi notificado á Consellería de Medio Ambiente, Territorio e Infraestruturas e cuxo texto íntegro foi publicado no Boletín Oficial da provincia da Coruña.

O que se publica para os efectos do artigo 92.2 da Lei 9/2002, do 30 de decembro, de ordenación urbanística e protección do medio rural de Galicia.

Contra o presente acordo, en aplicación do artigo 107.3 da Lei 30/1992, do 26 de novembro, de réxime xurídico das administracións públicas e do procedemento administrativo común, e dado que aproba unha disposición de carácter xeral, poderá interporse recurso contencioso-administrativo, ante a Sala do Contencioso-Administrativo do Tribunal Superior de Xustiza da Coruña, no prazo de dous meses contados desde o día seguinte ao da recepción da presente notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Todo iso sen prexuízo de que poida interpor calquera outro recurso que puidese estimar máis conveniente ao seu dereito.

O que traslado para o seu coñecemento e efectos.

Abegondo, 27 de febreiro de 2014

José Antonio Santiso Miramontes
Alcalde