Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Inverfago, S.L.U.
Domicilio social: Xardíns, 2, Perillo, 15172 Oleiros.
Denominación: LMT, CS e CT de 400 kVA para edificio.
Situación: Xardíns, 2, Perillo, Oleiros.
Características técnicas:
LMT soterrada de 15 kV de 2 × 140 m de lonxitude, 1 × 240 mm2 Al, con orixe na LMT SMC724 (San Pedro de Nós), entre o CT 15CEC2 (urbanización Carballido) e o CT 15CZK8 (urbanización As Cancelas). Centro de seccionamento de interior con 3 interruptores-seccionadores de 24 kV, 400 A. Centro de transformación de interior con trasformador de 400 kVA, illamento seco, relación 15-20/0,40 kV; aparellaxe de manobra, protección e equipamento de medida en cabinas metálicas prefabricadas.
Todas aquelas persoas ou entidades que se consideren afectadas poderán examinar o proxecto e/ou presentar as súas alegacións neste xefatura territorial, situada no Edificio Administrativo de Monelos, rúa Vicente Ferrer, 2, 1º andar, 15071 A Coruña, no prazo de vinte días, contados a partir do día seguinte á publicación, artigos 48 e 86 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
A Coruña, 10 de marzo de 2014
Susana Vázquez Romero
Xefa territorial da Coruña