Mediante Resolución da Alcaldía nº 37/2014 procedeuse a aprobar as bases e a convocatoria para cubrir en propiedade unha praza de operario de servizos múltiples, incluída na oferta de emprego público do Concello de Malpica de Bergantiños para o ano 2011 e vacante no cadro de persoal laboral fixo do Concello de Malpica de Bergantiños, coas seguintes características:
Nº |
Denominación da praza |
Grupo de cotización á Seguridade Social categoría profesional |
1 |
Operario de servizos múltiples |
10 - peón |
As citadas bases que rexerán a selección foron publicadas no BOP da Coruña número 27, do 10 de febreiro de 2014, con corrección material de erros mediante Resolución da Alcaldía nº 64/2014, publicada no BOP da Coruña número 41, do 28 de febreiro.
Segundo a base cuarta, o prazo de presentación de instancias será de 20 días naturais contados desde o seguinte ao da publicación da convocatoria no Boletín Oficial del Estado.
Segundo a base sétima, o sistema de selección será o de concurso-oposición.
Os sucesivos anuncios referentes a esta convocatoria (excepto o preceptivo no BOE mencionado anteriormente), cando procedan de conformidade coas bases, faranse públicos no Boletín Oficial da provincia da Coruña e no taboleiro de anuncios do concello.
Malpica de Bergantiños, 5 de marzo de 2014
Miguel A. Fernández Mirás
Alcalde en funcións