1. Entidade adxudicadora.
a) Organismo: Consellería do Medio Rural e do Mar.
b) Dependencia que tramita o expediente: Servizo de Contratación.
2. Obxecto do contrato.
a) Tipo: contrato administrativo de servizos.
b) Descrición do obxecto: a contratación da creatividade, deseño, produción de materiais e a inserción de publicidade en diversos medios e soportes dunha campaña divulgativa co principal foco en Galicia, e unha porcentaxe de investimento fóra de Galicia, para promoción dos produtos galegos.
c) División por lotes e número: si.
• Lote 1. Creatividade, deseño e produción das pezas necesarias.
• Lote 2. Estratexia e plan de medios.
d) Prazo de execución: remata o 15 de decembro de 2014, tendo en conta o previsto na alínea Ñ da folla de especificacións para a entrega.
e) Admisión de prórroga: non.
f) CPV: 79.341000-6 e 79341400.
3. Tramitación e procedemento de adxudicación: ordinaria e aberto suxeito a regulación harmonizada.
Criterios de adxudicación: recollidos no prego de cláusulas administrativas particulares.
4. Orzamento base de licitación.
Importe neto: 826.421,50 €, IVE (21 %): 173.548,52 €. Importe total: 999.970,02 €.
Valor estimado: 826.421,50 €.
5. Financiamento: fondos propios.
6. Requisitos específicos do contratista.
a) Clasificación: para o lote 2, ou para concorrer conxuntamente a ambos lotes, exíxese a clasificación: grupo T, subgrupo 1, categoría D.
b) Solvencia económica e financeira e solvencia técnica e profesional: segundo o disposto nas alíneas J e K da folla de especificacións.
7. Garantía exixida: definitiva. Segundo a alínea M da folla de especificacións.
8. Obtención de documentación e información.
a) Entidade: Secretaría Xeral Técnica da Consellería do Medio Rural e do Mar. Servizo de Contratación.
b) Domicilio: Edificio Administrativo nº 5, 2º andar, Santiago de Compostela.
c) Teléfonos: 981 54 57 37 (consultas administrativas), 981 55 72 41 (consultas técnicas).
d) Telefax: 981 54 40 47.
e) Enderezo electrónico: licitacion.medioruralemar@xunta.es
f) Data límite de obtención de documentos e información: ata a data límite de presentación das ofertas, todos os días laborables, excepto sábados, das 9.00 ás 14.00 horas.
Tamén se poderán obter os pregos relativos a esta contratación a través da internet no enderezo http://www.contratosdegalicia.es/resultado.jsp?N=20160
9. Presentación das ofertas.
a) Data límite de presentación: 14 de abril de 2014.
b) Documentación que hai que presentar: a indicada no prego de cláusulas administrativas particulares.
c) Lugar de presentación: o único rexistro válido será a oficina de Rexistro Único e Información da Xunta de Galicia (Edificio Administrativo San Caetano, s/n, 15781 Santiago de Compostela). Poderase enviar por correo dentro do prazo de admisión sinalado a este rexistro único. Cando a oferta se envíe por correo certificado dentro do prazo de admisión, o licitador deberá xustificar a data de imposición do envío na oficina de Correos e anunciarlle a súa remisión ao órgano de contratación no mesmo día, mediante telegrama, burofax ou fax (981 54 40 47).
d) Prazo en que o licitador estará obrigado a manter a súa oferta: dous (2) meses contados desde a data de apertura das proposicións.
10. Apertura das ofertas.
a) Enderezo: sala de xuntas da Secretaría Xeral Técnica da Consellería do Medio Rural e do Mar.
b) Localidade e código postal: Santiago de Compostela, 15781.
c) Datas e horas: a apertura dos sobres B terá lugar, en acto público, ás 12.00 horas do 23 de abril de 2014. A apertura dos sobres C terá lugar, en acto público, no lugar, data e hora que se comunicará mediante a súa publicación no perfil do contratante e mediante o envío dun fax a cada un dos licitadores.
11. Gastos de publicidade: serán por conta do/s adxudicatario/s.
12. Data de envío do anuncio ao Diario Oficial de la Unión Europea: 17 de marzo de 2014.
Santiago de Compostela, 18 de marzo de 2014
P.D. (Orde do 30.3.2012; DOG nº 70, do 12 de abril)
Alfonso García Magariños
Secretario xeral técnico da Consellería do Medio Rural e do Mar