Visto o expediente para outorgamento de autorización administrativa e aprobación do proxecto de execución da instalación eléctrica que a continuación se describe:
Solicitante: Xunta de Galicia-Consellería de Cultura, Educación e Ordenación Universitaria.
Domicilio social: Edificio Administrativo San Caetano, bloque 3-2º, 15781 Santiago de Compostela.
Denominación: LMT e CT Centro de Interpretación da Cultura Castrexa.
Situación: San Cibrao de Las-San Amaro.
Características técnicas:
LMT aerosubterránea a 20 kV, de 20 metros en aéreo con condutor LA-56 e 1.315 metros en subterráneo con condutor RHZ1, con entrada e saída no CT proxectado, en caseta, Centro de Interpretación da Cultura Castrexa en Las (San Cibrao), de 250 kVA R/T 20.000/400-230 V.
Orzamento: 59.998,00 euros.
Cumpridos os trámites ordenados na Lei 24/2013, do 27 de decembro, do sector eléctrico, e no capítulo II, título VII, do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente. Esta autorización outórgase sen prexuízo das concesións e/ou autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e o ambiente.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén poderá interpoñer calquera outro recurso que considere pertinente ao seu dereito.
Ourense, 21 de febreiro de 2014
P.S.L. (Decreto 110/2013, do 4 de xullo)
Alfonso Tomás Paz Doniz
Xefe do Servizo de Administración Industrial