1. Entidade contratante:

Organismo: Concello de Marín. Apróbase o expediente e iníciase a licitación mediante Acordo da Xunta de Goberno Local do 13.2.2014.

Dependencia que tramita el expediente: Secretaría Xeral.

Expediente: 134/13.

Obtención de documentación: Servizo de Secretaría. Avenida de Ourense, s/n, Marín (Pontevedra). Teléfono: 986 88 03 00, fax: 986 88 20 13; enderezo da internet do perfil do contratante: www.concellodemarin.es

2. Obxecto do contrato:

Tipo de contrato: contrato administrativo especial do albergue turístico de Marín.

Obxecto do contrato: a prestación do servizo de aloxamento e hostalaría no albergue turístico de Cadro, situado nun predio de titularidade municipal, sito en San Tomé de Piñeiro.

Non suxeito a regulación harmonizada.

CPV: 55100000-1 a 55524000-9.

3. Canon mínimo: 1.328,00 euros/anuais, IVE incluído (21 %).

4. Duración: dous (2) anos, prorrogables ano a ano ata un máximo de catro anos.

5. Tramitación e procedemento:

Tramitación: ordinaria.

Procedemento de adxudicación: aberto cun único criterio de adxudicación.

Criterios de adxudicación: mellor canon anual para aboar ao concello.

6. Requisitos específicos do contratista:

Solvencia económica e financeira e solvencia técnica e profesional: solvencia económica e financeira: declaración apropiada de entidades financeiras (véxase a cláusula 18.5º). Solvencia técnica ou profesional: experiencia de polo menos doce (12) meses ininterrompidos no sector da hostalaría. Para a acreditación deste requisito, os licitadores deberán achegar unha relación dos principais traballos realizados nos últimos tres anos no sector da hostalaría, que inclúa importe, datas e o destinatario, público ou privado, destes, acompañada de certificado expedido ou visado polo órgano competente, cando o destinatario sexa unha entidade do sector público; cando sexa o destinatario un suxeito privado, mediante certificado expedido por este ou mediante declaración responsable do empresario (véxase a cláusula 18.6º do prego).

Outros requisitos específicos: capacidade de obrar; non prohibición para contratar; non estar incurso en incompatibilidades; cumprimento das obrigas coa Seguridade Social; cumprimento coas obrigas tributarias. Para as empresas estranxeiras, declaración de sometemento a lexislación española.

7. Presentación de ofertas:

Data límite de presentación: vinte e seis (26) días hábiles contados desde o día seguinte ao da última publicación (DOG, BOP ou perfil do contratante), finalizando ás 14.00 horas do último día de prazo. Se o último día do prazo para presentar proposicións for inhábil, enténdese prorrogado ata o primeiro día hábil seguinte.

Lugar de presentación: Rexistro Xeral do Concello de Marín, avenida de Ourense, s/n, Marín, das 9.00 ás 14.00 horas, agás o sábado, que será das 9.00 ás 13.00 horas.

8. Gastos de anuncios: serán por conta do adxudicatario ata o límite de 2.000,00 €.

Marín, 14 de febreiro de 2014

María Ramallo Vázquez
Alcaldesa