Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: subestación dos Peares 132 kV, liña 132 kV (CH Os Peares III).
Situación: concello de Carballedo.
Características técnicas:
A ampliación consiste no equipamento completo dunha posición de liña 132 kV formada por aparellaxe convencional de exterior, para a evacuación futura da potencia xerada pola nova central hidráulica Peares 3, instálase a seguinte aparamenta:
• 1 interruptor tripolar.
• 3 transformadores de intensidade, 300-600-1.200/1-1-1-1-1 A.
• 3 transformadores de tensión 132.000:V3-110:V3-110:V3.
• 1 seccionador rotativo tripolar de posta a terra de tres posicións: aberto, pechado e posta á terra, 1.250 A.
• 1 seccionador rotativo tripolar de barras.
• 1 seccionador pantógrafo tripolar de barras.
• 3 autoválvulas.
• 3 terminales unipolares para cable illado.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e a Instrución 2/2014, do 4 de febreiro, da Dirección Xeral de Enerxía e Minas, sobre os órganos competentes para a resolución dos procedementos de autorización de subestacións, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 18 de febreiro de 2014
José Manuel Vázquez Leirado
Xefe territorial de Lugo