O Pleno Municipal, en sesión ordinaria que tivo lugar o 6 de febreiro de 2014, adoptou acordo de aprobación inicial da proposta da Comisión Heráldica de escudo e bandeira municipais do Concello da Estrada, comunicada mediante escrito do seu presidente o 1 de marzo de 2012.
De acordo co establecido no artigo 49 da Lei reguladora das bases de réxime local (LRBRL), sométese a información pública e audiencia dos interesados polo prazo dun mes, durante o cal se poderán presentar reclamacións e suxestións que serán resoltas polo mesmo órgano municipal.
No caso de que durante o dito prazo non se presente ningunha reclamación ou suxestión, entenderase, conforme o dito artigo 49 da LRBRL, definitivamente aprobado o acordo provisional, e o expediente completo remitirase á Comisión Heráldica para o seu informe preceptivo e vinculante, previo á aprobación, de ser o caso, polo Consello da Xunta.
A Estrada, 13 de febreiro de 2014
José C. López Campos
Alcalde