José Andrés Salgado Fernández, secretario xudicial da Sala do Contencioso-Administrativo do Tribunal Superior de Xustiza de Galicia, por este edicto,

Anuncio.

Neste procedemento de extensión de efectos 739/2004-16, seguido por instancia de José María Dolarea Romeu contra a Subsecretaría de Defensa, ditouse a resolución cuxa parte dispositiva é do seguinte teor literal:

«Acorda: que debemos denegar e denegamos a petición formulada por José María Dolarea Romeu de extensión dos efectos da Sentenza 357/2006, do 12 de abril, ditada no recurso 739/2004-16, sen facer expresa imposición de custas.

Notifíqueselles a presente resolución ás partes, coa advertencia de que esta é susceptible, de conformidade co disposto no artigo 87 da LRXCA, de recurso de casación, que se deberá preparar mediante a presentación previa de recurso de reposición ante esta sala no prazo dos 5 días seguintes á notificación do presente auto.

Así o acordamos, mandamos e asinamos as persoas anotadas na marxe».

E como consecuencia do ignorado paradoiro de José María Dolarea Romeu, expídese este edicto para que lle sirva de cédula de notificación.

A Coruña, 13 de febreiro de 2014

José Andrés Salgado Fernández
Secretario xudicial