De conformidade co disposto no artigo 18.1º da Lei 38/2003, do 17 de novembro, xeral de subvencións, no artigo 15.1º da Lei 9/2007, do 13 de xuño, de subvencións de Galicia, e no Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia, procédese á publicación das entidades beneficiarias e o importe das axudas concedidas, segundo o establecido no artigo 6.11 da Orde de 6 de agosto de 2013 pola que se establecen as bases reguladoras de subvencións de programas desenvolvidos polas corporacións locais para a inclusión social da poboación xitana, inmigrante e outras persoas en risco de exclusión, cofinanciada polo Fondo Social Europeo 2007/2013.

Finalidade da axuda: a presente orde regula a convocatoria de subvencións ás corporacións locais para o cofinanciamento de programas desenvolvidos polos servizos sociais de titularidade municipal dirixidos á inclusión sociolaboral da poboación xitana, da poboación inmigrante e outras persoas en risco de exclusión residentes en Galicia.

Norma reguladora: Orde do 6 de agosto de 2013 pola que se establecen as bases reguladoras de subvencións de programas desenvolvidos polas corporacións locais para a inclusión social da poboación xitana, inmigrante e outras persoas en risco de exclusión, cofinanciada polo Fondo Social Europeo 2007/2013 (Diario Oficial de Galicia número 153, do 12 de agosto).

Crédito orzamentario:

– 961.046,08 euros, na aplicación orzamentaria 11.05.313C.460.1.

– 373.260,45 euros, na aplicación orzamentaria 11.05.312C.460.0.

Santiago de Compostela, 18 de febreiro de 2014

María Amparo González Méndez
Directora xeral de Familia e Inclusión

Anexo