Bolsas de posgrao no estranxeiro 2014.

A Fundación Barrié é unha entidade sen ánimo de lucro, de carácter privado, dedicada a promover o desenvolvemento de Galicia desde unha perspectiva global. Creada en 1966 dedicou a súa atención prioritaria á educación.

Neste marco a Fundación convoca a vixésimo quinta edición do programa de bolsas de posgrao no estranxeiro co obxectivo de apoiar a titulados universitarios vinculados a Galicia que teñan un proxecto académico, investigador ou profesional claro e de interese para a comunidade, para facelo realidade a través de programas de formación de posgrao ou estancias de investigación nos mellores centros educativos e investigadores do mundo.

Búscanse licenciados/graduados/enxeñeiros con excelente traxectoria académica, investigadora e/ou profesional, dominio da lingua de traballo no centro de destino, vinculación con Galicia e un proxecto claro e con potencial de retorno. A convocatoria dará prioridade aos proxectos vinculados aos obxectivos das bolsas e que se consideren de maior impacto potencial para Galicia.

A Fundación Barrié convoca 42 bolsas coas seguintes características:

– 30 bolsas predoutorais para a mobilidade internacional, con dúas modalidades:

– Modalidade A: ata 25 bolsas para facilitar a mobilidade internacional de doutorandos con vinculación contractual ou bolsa, destinadas a realizar estancias de investigación en centros de excelencia internacionais por un período mínimo de 3 meses e máximo de 6 meses.

– Modalidade B: ata 5 bolsas para facilitar a mobilidade internacional de doutorandos sen vinculación contractual ou bolsa, destinadas a realizar estancias de investigación en centros de excelencia internacionais por un período mínimo de 3 meses e máximo de 6 meses.

– 10 bolsas para a realización de estudos de máster no estranxeiro nos mellores centros académicos e investigadores do mundo por un período máximo de 24 meses.

– 2 bolsas para apoiar a innovación no sector da automoción en colaboración co CEAGA (Clúster de Empresas da Automoción de Galicia), con dúas modalidades:

– Modalidade máster automoción: 1 bolsa para a realización de estudos de máster relacionados coa automoción, nos mellores centros académicos e investigadores do mundo e por un período máximo de 24 meses.

– Modalidade investigación automoción: 1 bolsa para facilitar a mobilidade internacional de doutorandos destinada a realizar unha estancia de investigación relevante para o sector da automoción en Galicia. O período mínimo será de 3 meses e o máximo de 6 meses.

A dotación da bolsa inclúe:

– Asignación mensual, dotación única inicial para gastos de instalación, dotación única inicial para gastos de transporte, gastos de matrícula coas condicións establecidas nas bases, e seguro.

– A rede de coñecemento e apoio da súa Asociación de Bolseiros, con máis de 800 asociados [www.becariosbarrie.org], [www.bolseirosbarrie.org].

Requisitos dos candidatos:

• Nacionalidade española.

• Vinculación con Galicia.

• Bo expediente académico.

• Alta motivación para completar un proxecto claro e de impacto social.

• Dominio da lingua de traballo do país de destino.

• Ter unha titulación universitaria.

Comezo e duración da bolsa:

Os candidatos que obteñan unha bolsa deben comezar o programa de estudos antes do 31 de decembro de 2015. O bolseiro empezará a recibir a asignación mensual cando inicie o programa de estudos para o que se concedese a bolsa.

O período total de desfrute da bolsa non será inferior a 3 meses nin superior a 24 para todos os supostos, agás para as estancias predoutorais (modalidade A e B), para as que o período máximo será de 6 meses.

Documentación:

1. Formulario de solicitude.

A solicitude deberá encherse directamente a través da páxina web da Fundación Barrié [www.fundacionbarrie.org]

A plataforma online para a tramitación de solicitudes pecharase o 31 marzo de 2014 ás 23.00 horas.

Proceso de selección:

1. Probas de selección.

Examinadas todas as solicitudes presentadas, convocarase aos preseleccionados a unha entrevista persoal co Comité de Selección na que, ademais de analizar a súa traxectoria académica, profesional ou investigadora, se valorarán o alcance e coherencia do proxecto formulado. A entrevista, de carácter presencial, será imprescindible para optar á bolsa e non poderá ser substituída por ningunha outra proba.

Os candidatos preseleccionados para entrevistas serán informados a través de correo electrónico o día 16 de maio de 2014 a partir das 14.00 horas.

As entrevistas realizaranse na sede da Coruña da Fundación Barrié nas datas seguintes:

– Candidatos para estancias predoutorais (modalidade A e B) o día 30 de maio de 2014.

– Candidatos para estudos de máster e candidatos ás bolsas de automoción en colaboración co CEAGA, o día 6 de xuño de 2014.

2. Nomeamento de candidatos:

A Fundación dará a coñecer a partir das 14.00 h do venres 13 de xuño de 2014, a través da súa páxina web [www.fundacionbarrie.org], a relación de candidatos seleccionados para bolsa.

Máis información:

becas@fbarrie.org

Bases completas e formularios de solicitude en:

http://becasposgrado.fbarrie.org/

A Coruña, 10 de xaneiro de 2014

Javier López Martínez
Director xeral da Fundación Barrié