Segundo o recollido no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), notifícaselles ás persoas que a continuación se relacionan as resolucións dos expedientes instruídos por infracción da Lei 11/2008, do 3 de decembro, de pesca de Galicia, modificada pola Lei 6/2009, do 11 de decembro.
Os interesados dispoñen dun prazo de dez días, desde o día seguinte a aquel en que se publique este edicto, para examinaren o expediente e interpoñeren, no prazo que se estableza, o recurso pertinente.
Os expedientes que se relacionan a seguir atópanse á disposición dos interesados na Xefatura Territorial de Lugo, a través da Xefatura de Coordinación da Área do Mar, situada na avenida Ramón Canosa, s/n, 27863 Viveiro.
Nº de expediente: PESAN1 2013/000114-2.
Denunciado: Manuel Matías Couceiro.
DNI: 33323674D.
Enderezo: rúa Daniel Cortezón, 2, 4º E, Ribadeo.
Precepto infrinxido: 136.D.1.
Sanción: 30 euros.
Nº de expediente: PESAN1 2013/000118-2.
Denunciado: Juan Carlos Vázquez Arias.
DNI: 46909211K.
Enderezo: rúa Monasterio Moraime, 2, 3º, A Coruña.
Precepto infrinxido: 137.B.2.
Sanción: 200 euros.
Segundo a Orde da Consellería de Economía e Facenda, do 23 de novembro de 2001 (DOG nº 235, do 5 de decembro), os importes das ditas sancións deberán aboarse nos prazos que establece o artigo 62.2 da Lei 58/2003, do 17 de decembro, xeral tributaria, ou en caso contrario procederase, sen máis trámite, ao seu cobramento pola vía de constrinximento regulamentaria. Para o pagamento en período voluntario, os interesados deberán recoller na xefatura territorial o documento de ingreso correspondente.
Se cumpren os requisitos previstos no artigo 151 da Lei 11/2008, do 3 de decembro, poderán solicitar, no prazo dun mes desde que a resolución sexa firme, a suspensión condicional da execución da sanción imposta, mediante un escrito que sexa motivado e no cal se comprometan a aterse ás condicións que se establezan para que se outorgue, co fin de garantir, durante o prazo de suspensión, o respecto á normativa que regula a actividade pesqueira.
Lugo, 29 de xaneiro de 2014
José Ramón Losada Fernández
Xefe territorial de Lugo
