Visto o expediente para outorgamento de autorización administrativa e aprobación do proxecto de execución da instalación eléctrica que a continuación se describe:
Solicitante: Corsan Corvian Construcciones, S.A.
Domicilio social: rúa Campo del Sacramento, 55, 32702 Vilar de Barrio.
Denominación: LMT e CT subministración de obra en boca do túnel AVE O Corno.
Situación: Laza.
Características técnicas:
LMT aero-subterránea a 20 kV de 16 m en aéreo con condutor LA-56 e 350 m en subterráneo con condutor RHZ1 OL, con orixe no apoio nº 141-129 da LMT existente VER-811 e remate no CT proxectado en caseta de formigón CT que consta de dous trafos, un de 400 kVA R/T 20.000/400 V e outro de 1.000 kVA e R/T 20.000/5.000 V.
Orzamento: 12.276,75 euros.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo das concesións e/ou autorizacións que sexan precisas, de acordo con outras disposicións que resulten aplicables e, en especial, as relativas á ordenación do territorio e ao ambiente.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación ou publicación desta resolución; tamén poderá interpoñer calquera outro recurso que estime pertinente ao seu dereito.
Ourense, 4 de outubro de 2013
P.S.L. (Decreto 110/2013, do 4 de xullo)
Alfonso Tomás Paz Doniz
Xefe do Servizo de Administración Industrial