A directora da Axencia de Protección da Legalidade Urbanística, o día 7 de xaneiro de 2014, ditou resolución pola que se declara que as obras de construción dunha vivenda unifamiliar e dúas edificacións auxiliares no lugar de Miñán, San Tomé de Piñeiro, no termo municipal de Marín, provincia de Pontevedra, son ilegalizables por seren incompatibles co ordenamento urbanístico, e pola que se ordena a súa demolición e a reposición dos terreos afectados ao estado anterior ao inicio das obras, así como o cesamento definitivo dos usos aos que desen lugar. A orde de demolición deberá ser executada no prazo de tres meses contados desde a notificación desta resolución, dando conta á Axencia de Protección da Legalidade Urbanística. Así mesmo, declárase que as obras de construción dunha piscina sita na mesma parcela son legalizables e requírese a interesada para que no prazo de tres meses presente a solicitude de autorización autonómica para a legalización das obras.

Ao non poderse realizar a notificación persoal da resolución a Úrsula González Martínez, mediante esta cédula, e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle á interesada a dita resolución.

Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselle saber á interesada que o texto íntegro do acordo que se notifica está ao seu dispor nas dependencias da Axencia de Protección da Legalidade Urbanística, sitas no Edificio Witland, Salgueiriños, en Santiago de Compostela, para a súa consulta no prazo de dez (10) días, que se contarán desde o día seguinte ao da publicación desta cédula. Transcorrido o dito prazo, a notificación entenderase producida.

Contra a dita resolución, que pon fin á vía adminitrativa, a interesada pode interpoñer recurso de reposición no prazo dun mes, contado a partir do día seguinte a aquel en que se producise a notificación, ante a directora da Axencia de Protección da Legalidade Urbanística, ou ben, se non exerce o seu dereito a presentar recurso potestativo de reposición, pode interpoñer directamente recurso contencioso-administrativo, no prazo de dous meses, ante o xulgado do contencioso-administrativo en cuxa circunscrición radique o inmoble afectado, conforme o disposto no artigo 14.1, regra terceira, da Lei 29/1998, reguladora da xurisdición contencioso-administrativa.

Para que conste e lle sirva de notificación á citada interesada, en cumprimento do disposto no artigo 59.5 da citada Lei 30/1992, do 26 de novembro, expido e asino esta cédula.

Santiago de Compostela, 21 de xaneiro de 2014

María Martínez Allegue
Directora da Axencia de Protección da Legalidade Urbanística