Miguel Ángel Rodríguez Lameiro, en representación de Rodríguez Lameiro Mink, S.L. solicitou desta alcaldía licenza municipal para a construción de naves agrícolas para ampliación de explotación de cría de visóns, que se instalará no lugar de Monte Xalo, parroquia de Paleo (Carral), parcela 210, 211 polígono 16 e parcela 29, 280 polígono 17. En cumprimento do disposto polo artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública , por un período de vinte días, co fin de que durante este, que comezará a contarse desde o día seguinte ao da inserción deste edicto no Diario Oficial de Galicia, as persoas que dalgún xeito se consideren afectadas pola actividade que se pretende instalar poidan examinar o expediente, na Secretaría deste concello, e realizar por escrito as reclamacións ou observacións que xulguen oportunas.
Carral, 2 de xaneiro de 2014
José Luis Fernández Mouriño
Alcalde