En cumprimento do artigo 154 do Real decreto lexislativo 3/2012, do 14 de novembro, polo que se aproba o texto refundido da Lei de contratos do sector público, faise pública a formalización do contrato que se relaciona a seguir:
1. Entidade adxudicadora: Consellería de Traballo e Benestar.
a) Dependencia que tramita o expediente: Secretaría Xeral Técnica.
b) Enderezo na internet do perfil do contratante: http://www.contratosdegalicia.es
2. Obxecto do contrato:
a) Tipo de contrato: servizo.
b) Descrición do obxecto: servizo para a xestión, coordinación e desenvolvemento de accións formativas implementadas no programa Cisco Networking Academy, certificación da formación, realización dun estudo ocupacional específico e de situación e evolución de solucións formativas e certificacións e celebración de tres seminarios técnicos dirixidos a profesionais e empresarios en relación coa tecnoloxía Cisco.
c) Tipo de fondo: cofinanciado polo Fondo Social Europeo e pola Administración do Estado, dentro do programa operativo Adaptabilidade e Emprego 2007ESO5UPO0001, período de programación 2007-2013.
3. Tramitación e procedemento: ordinaria e aberto.
4. Orzamento base de licitación: sesenta e nove mil oitocentos euros (69.800,00 €) exento do IVE, de acordo co artigo 20 da Lei 37/1992, do 28 de decembro, do imposto sobre o valor engadido.
5. Adxudicación:
a) Data: 31 de decembro de 2013.
b) Contratista: Pen Consultoría y Formación, S.L.
c) Nacionalidade: española.
d) Importe de adxudicación: cincuenta e oito mil oitocentos euros (58.800,00 €) exento do IVE, de acordo co artigo 20 da Lei 37/1992, do 28 de decembro, do imposto sobre o valor engadido.
6. Formalización: 15 de xaneiro de 2014.
Santiago de Compostela, 17 de xaneiro de 2014
María Jesús Lorenzana Somoza
Secretaria xeral técnica da Consellería de Traballo e Benestar