Unha vez realizada a valoración dos méritos alegados polos/as concursantes e de conformidade coa proposta da Comisión de Valoración, esta dirección xeral, en cumprimento do disposto na base VIII.4 da convocatoria (DOG núm. 106, do 5 de xuño),
RESOLVE:
Facer públicas as puntuacións provisionais dos/das concursantes admitidos/as respecto de cada un dos postos solicitados. As ditas puntuacións atópanse á disposición dos interesados no Servizo do Rexistro Xeral e Información da Vicepresidencia e Consellería de Presidencia, Administracións Públicas e Xustiza; nas oficinas do Rexistro e Información dos edificios administrativos da Xunta de Galicia, nas oficinas comarcais da Xunta de Galicia e na páxina web da Xunta de Galicia (www.xunta.es), na epígrafe Función Pública.
Contra estas puntuación provisionais os interesados poderán formular reclamación no prazo de 10 días hábiles contados a partir do día seguinte ao da publicación desta resolución no Diario Oficial de Galicia.
As reclamacións dirixiranse á Dirección Xeral da Función Pública e poderán presentarse no Rexistro Xeral da Vicepresidencia e Consellería de Presidencia, Administracións Públicas e Xustiza, nas xefaturas territoriais, nas oficinas comarcais da dita consellería, ou nos demais lugares previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
O formulario de reclamación estará á disposición dos interesados na páxina web da Xunta de Galicia (www.xunta.es).
Santiago de Compostela, 29 de xaneiro de 2014
José María Barreiro Díaz
Director xeral da Función Pública