Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Unión Fenosa Distribución, S.A.
Domicilio social: avda. de Arteixo, núm. 171, 15007 A Coruña.
Denominación: subestación Ponte Sampaio 66/20 kV-posición liña 66 kV Ponte Caldelas II.
Situación: Pontevedra.
Características técnicas: ampliación na subestación de Ponte Sampaio, Pontevedra, do parque de 66 kV mediante a instalación dunha nova cela de posición de liña 66 kV 608L/Ponte Caldelas II, do tipo cela blindada de interior con illamento en SF6, en configuración de dobre barra, cos seus correspondentes dispositivos de protección, control e medida.
Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo, avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 30 de decembro de 2013
Ignacio Rial Santomé
Xefe territorial de Pontevedra